CORONA'S GOLD BULLION

TUMITINDI ang IRINGAN sa impeachment trial.
Wala sanang BUBULAGTA—sa bala ng baril o sa ALTA-PRESYON.

-----$$$---
NAG-VETO ang Russia at China sa PAGPASOK ng UN sa GULO sa Syria.
Malinaw na magka-ALYANSA ang Russia at China kontra sa tandem ng US at NATO.
Matindi yan.

-----$$$--
SA pagsasanib puwersa ng Russia at China ay tiyak na MAGDADALAWANG ISIP ang US sa paghahari-harian sa mundo.
Ngayon lamang unti-unting nagiging BALANSE ang puwersang militar sa mundo.

-----$$$---
KINONTRA ng mga residente ang pagtatayo ng SM Complex sa Baguio City.
Kasi naman ay puputol sila ng DAAN-DAANG punong kahoy.
At huwag ka, may PERMISO ang DENR ang pagwasak ng KAPALIGIRAN.

-----$$$--
PINAYAGAN ng Korte na manatili si Ate Glo sa VMMC hospital.
May buwenas pa rin siya.

-----$$$---
NAG-MOSYON si ex-Comelec Chairman Benjamin Abalos na hindi siya dapat litisin sa RTC bagkus ay sa Ombudsman dahil NAKAPUWESTO siya nang maganap ang kasong INAAKUSA sa kanya.
May katwiran siya, ayon sa kanyang mga ABOGADO.

----$$$---
INILABAS na sa media ang ANAK nina Ogie Alcasid at Mareng Chona.
Mas KAMUKHA ni Ogie kaysa KAHAWIG ni Chona ang BABY.
Sa tingin natin, magiging SIKAT NA KOMEDYANTE ang paslit.
May karibal na sina Wally at Jose.
He, he, he.

------$$$---
TEKA, nagkabati nap ala sina Pareng Jobert Sucaldito at Willie Revillame.
Pwes, puwede na uli sila MAG-AWAY.

-----$$$--
HINAHANAP si ZAIDA sa Eat Bulaga.
May kutob ang marami na SIYA ang “secret dyowa” ni Bossing.
Ha! Ha! Ha!

-----$$$--
KAPAG na-IMPEACHED si CJ Renato Corona, ano raw ang HEADLINE ng mga diyaryo bukas?
E, di, CORONA BUMAGSAK!
Kapag NAGWAGI si Corona, ano naman ang HEADLINE”?
E, di, CORONA NAGLUNINGNING
Kapag nabisto na may GOLD BULLION si CJ, ano ang HEADLINE?
Ano pa e di---GINTONG CORONA NABULGAR!
He, he, he.
(BISTADO column, Bulgar newspaper, Feb. 10, 2012 issue, unedited. Cc: bistado.blogspot.com/ editorsdiary.blogspot.com/ bistadokamao@yahoo.com)