Wednesday, June 01, 2011

DOTC SEC. DE JESUS HAS RESIGNED DUE TO SMART- SUN CELLULAR MERGER

EDITORIAL, BULGAR Newspaper
(June 02, 2011 issue)


SORPRESANG nagbitiw si DOTC Secretary Jose “Ping” de Jesus matapos makipagkita kay PNoy.
Maraming espekulasyon sa dahilan ng kanyang pagbibitiw na epektibo sa katapusang ng buwang ito.
Nakapagtatakang kasabay ng pag-uusap nina PNoy at De Jesus sa Malacanang ay ang ulat na may kaugnayan na pagpakyaw ng SMART sa SUN CELLULAR kung saan ibinabala ang pagbabalik ng monopoly sa telekomunikasyon.
Hindi pa rin kasi makatkat sa isip ng mga Pinoy ang MALAGIM na pagmonopolyo ng PLDT sa telephone services nang ilang DEKADA kung saan nakaranas ang populasyon ng PINAKAMALUPIT na kondisyon sa perhuwisyong serbisyo sa telepono.
Nang mabuwag ang MONOPOLYO sa telepono, gumanda at naging maayos ang KUMPITENSIYAHAN kung saan nagkaroon ng mga UNLIMITED SERVICES kung saan nagpasimuno ang SUN CELLULAR.
Nagbabalik-alaala sa mga Pinoy ang lantarang MONOPOLYO ng San Miguel Corporation sa “BEER INDUSTRY” kung saan unang tinangkang kumpitensiyahin ito ng “HALILI BEER” –pero bigla rin itong PINAKYAW at binili ng SMC.
Layunin ng MONOPOL na KONTROLIN ang PRESYO ng serbisyo—kung saan magiging resulta nito ay ang PANGIT at perhuwisyong SERBISYO sa telekomunikasyon.
Maididikta din nila gaano man ang GUSTO nilang SINGIL sa serbisyo sapagkat walang kumpitensiya—na IPINAGBABAWAL SA BATAS!
Hanggang ngayon, pinagdedebatehan pa rin ang LEGALISASYON ng pag-LAMON ng SMART sa SUN CELLULAR kung saan kinukuwestiyun ang “DALAWANG PRANGKISA” sa iisang KORPORASYON.
Malinaw ang ARGUMENTO: Kung napakyaw ng SMART ang SUN CELLULAR—ang napakyaw lamang nito ay ang ASSETS, SOSYO at CAPITAL—pero hindi puwedeng kasabay na ibinenta ang PRANGKISA—sapagkat ito ay IGINAGAWAD ng KONGRESO sa alinmang KORPORASYON.
Gayunman, dahil DAMBUHALAang SMART—hindi lang ang karibal na NEGOSYO ang kanilang MAPAPAKYAW kundi maging ang LAHAT NG LAWMAKERS at opisyal ng gobyerno na KOKONTRA sa kanilang MONOPOLYO sa negosyo—LAHAT SILA AY hindi malayong BAYARAN din.
Sa bandang huli, balik ang mala-PLDT palpak na serbisyo sa telekomunikasyon.
Marami ang nagtatanong: Ang SMART-SUN MERGER kaya ang DAHILAN ng PAGBIBITIW ng DOTC secretary?
----30------

No comments: