BISTADO column for BULGAR Newspaper
(May 03, 2011)
TUWANG-TUWA si US President Barrack Obama nang ianunsiyo na NAPATAY nila si Al-Qaida founder Osama bin Laden.
Binansagang TERORISTA ng US si Bin Laden kahit alam nila may IDEOLOHIYA na yinayakap ito.
Ang “TERORISTA” ay ikinakapit lamang sa mga tao o GRUPO ng mga tao na naghahasik ng LAGIM nang walang ideolohiya.
-----$$$---
KUNG si Bin Laden ay TERORISTA dahil ang kanyang SISTEMA ay PUMAPATAY ng SIBILYAN—kahit may IDEOLOHIYA—ano ang TAWAG ninyo sa “sinadyang pambobomba” ng UN-NATO-US sa residential house ni Moamma Khadafy na pumatay sa kanyang bunsong anak at TATLONG apo.
Ano ang TAWAG ninyo sa pagmasaker sa libo-libong AFGHAN at IRAQI civilian?
Hindi ba’t NUMERO UNONG TERORISTA din ang US?
-----$$$---
HINDI dapat IKATUWA ang pagkakapatay kay Osama bin Laden at MALI ang paniniwalang MATATAPOS ang “TERORISMO” na dala ng AL-QAIDA.
Bakit?
Sapagkat ang napatay ng US ay “isang lider” lamang, pero hindi nito NAPATAY ang “IDEOLOHIYA” na yinayakap at NAIBINHI o NAIPUNLA ni Bin Laden sa mga KABATAANG ISLAM FUNDAMENTALIST.
Hindi nakakatuwa ang pagkakapatay kay BIN LADEN, hindi dahil sa kinakampihan natin ang kanilang IDEOLOHIYA—bagkus ay isang MALAKING BANTA ito ng PANGANIB, hindi lamang sa BUONG DAIGDIG—bagkus ay maging sa PILIPINAS—partikular sa Mindanao at sa MetroManila.
-----$$$---
MALAKI ang posibilidad na RUMESBAK ang mga kapanalig ni Bin Laden kabilang ang mga die hard na ABU SAYYAF at miyembro ng JEMAAH ISLAMIYAH na nakabase sa Pilipinas.
Hindi dapat balewalain ng MALACANANG ang “babalang ito”, sapagkat, may LOHIKA ito.
Hindi puwede dito ang PROPAGANDA o PRESS RELEASE na hindi itinaas ng GOBYERNO ang “ALERTO” sa Pilipinas sa pagkakapatay kay Bin Laden.
Kahit walang “intelligence info” hinggil sa “banta ng kaguluhan”, dapat na maging EXTRA-CONSCIOUS ang lahat sa POSIBILIDAD ng “pagpaparamdam o SHOW OF FORCE ng mga lihim na kapanalig ni Bin Laden sa loob ng PILIPINAS.
Hindi puwede dito ang PURO YABANG lang, kailangang maging PRAKTIKAL an gating gobyerno.
----$$$---
ALAM nating lahat na ang PAGPAPASABOG sa isang SUPER-FERRY ay kinumpirmang KAGAGAWAN ng JEMAAH ISLAMIYAH at maging ang PAGSABOG ng isang BUS sa Makati City ay idinidikit sa ATAKE ng mga kapanalig ni Bin Laden.
Paano natin ngayon sasabihin: HINDI DAPAT ITAAS ANG ALERTO?
Malayang nakakagawa ng GULO ang mga “kampon” ni Bin Laden—noong siya ay NABUBUHAY pa, lalo pa ngayon siya ay PATAY NA.
-----$$$--
BALIKTAD ang interpretasyon ni US president Obama at maging ng mga awtoridad sa PILIPINAS—na matatapos na ang TERORISMO na dala ng AL-QAIDA—sa totoo lang, LALO itong iigting.
Bakit?
Sapagkat ang isang IDEOLOHIYA ay dinidilig at pinayayabong ng DUGO ng mga MARTIR.
Para sa mga kapanalig ni Bin Laden, naging MARTIR ang kanilang FOUNDERA kahapon.
Yan ang prinsipyo nang maging MARTIR si Dr. Jose Rizal sa Luneta, natigil ba ang REBOLUSYON ng mapatay ang pambansang bayani?
Nang maging MARTIR si Sen. Ninoy, natigil ba ang PAGKILOS para matupad ang ipinakikipaglaban nilang IDEOLOHIYA noong 1983?
Isang malaking MALI—na sabihin na TAPOS na ang AL-QAIDA—sapagkat di naman NAPAPATAYang IDEOLOHIYA, dinidilig ito ng DUGO ng kanilang MARTIR—kung saan maaaring YUMABONG pa ang kanilang IPINAKIKIPAGLABAN.
Ang masakit, MADADAMAY dito ang mga PINOY—kilala bilang TUTA ng mga KANO sa buong daigdig.
Dapat magbantay ang AFPat PNP—imbes na kumuya-kuyakoy!
-----30---
No comments:
Post a Comment