CommGroup: Dalawang ulo ng dakilang bolero

SA wakas, pormal nang nabuo ang CommGroup ni PNoy.
Pero wag ka, mayroon itong DALAWANG ULO!
Malinaw na mas binibigyan ng prayoridad ni PNoy ang PROPAGANDA kaysa sa SIKMURA ng PNoy.
Isipin ninyong mabuti, kung ang bigyan niya ng DALAWANG ULO ay ang DSWD, Department of Agriculture (DA) , Department of Trade and Industry (DTI) at Department of Labor and Employment (DOLE) —hindi ba’t MAS MATUTUWA ang lahat—dahil iyan ang tuwirang AASISTE sa nagugutom na Pinoy.
Ang DSWD ay diretso sa mga mamamayang pinakamahihirap sa dilang pinakamahihirap.
Ang DA ay tuwirang may kaugnayan sa produksiyon ng pagkain at diretso sa mga magsasaka, mangingisda at iba pang anak-pawis.
Ang DTI ay may kaugnayan sa pangangalakal upang maproteksiyunan ang ordinaryong konsiyumer na niraraket sa mga palengke at malalaking merkado.
Ang DOLE ay may control sa paga-asiste at pagbibigay proteksiyon sa milyon-milyong obrero na siyang GULUGOD mismo ng ekonomiya at mismong may kaugnayan sa 10 milyong overseas Pinoy.
Sakaling bigyan ng DALAWANG ULO ni PNoy ang DSWD, DA, DTI at DOLE—aba’y sa paglagda pa lamang niya ng Executive Order—alam na nating seryoso siya sa kanyang talumpati na maiahon sa kahirapan ang MASA.
At ano ang implikasyon o ibig sabihin ng dalawang ulo sa CommGroup?Tama po kayo, MAMBOBOLA lang ang Malacanang gamit ang PROPAGANDA MACHINERIES ng gobyerno.
Yung PAGKALAM ng sikmura ni Juan, tatakpan ng mga HILAW NA PANGAKO—gamit ang PRESS RELEASES sa lahat ng klase ng media entities—print, tv, radio, internet at pagdye-JEJEMON sa mga texters.
Mas angkop na maging adviser ni PNoy ang legendary basketball player ng bansa.
Kasi’y ang paglikha niya sa two-headed CommGroup ay nagkukumpirma na siya ay isang tipikal na basket-BOLERO!!!
-----30--------