Recto tatalon sa oposisyon

MASELAN ang pahayag ni Sen. Ralph Recto kay PNoy!
Hindi makapaniwala si Recto na ipatutupad ng mga alipures ni PNoy ang pagsingil ng VAT sa toll fees sa mga expressway kahit labag ito sa batas.
Tipong diktadukya talaga ang liderato sa Malacanang.
Nakita ba ninyo napanoood sa telebisyon kung paano pinalalayas ang mga iskuwater sa Maynila?
Hindi nila inihahanap ng pansamantalang matutuluyan ang mga tao na puwersahan nilang binaklas ang mga bahay.
Ang mga iskuwater ay parang mga daga na nagpupulasan.
Nasaan ang ibinoto ninyong nagmamahal sa masa?
Nasaan ang pangakong sasaklolohan ang mga nagdarahop?Si Recto mismo ang NANUMBAT kay PNoy: Hindi ba’t ipinangako mo sa kampanya na walang DAGDAG na buwis sakaling iboto ka ng taumbayan?
Wala pang 45 araw sa puwesto, puwersahang bubuwisan ang “buwis’ sa paggamit ng expressway.
Malaki ang iginandang lalaki ni Recto nang kontrahin ang VAT sa toll fees.
Mukhang bumabawi siya sa parusa ng taumbayan nang iakda niya ang EVAT law kung saan natalo siya bilang senador sa naunang senatorial election.
Ngayon, yung kanyang batas na iniakda ang siya ngayon ginagamit ng Administrasyong Aquino na panggigipit sa taumbayan.
Kailangang gumawa ng paraan si Recto upang hindi abusuhin ni PNoy ang naturang batas.
Nakahanda kaya si Recto na tumiwalag sa Liberal Party at umaktong oposisyon sa mga susunod na araw?
Abangannnnn!!