Pastor-pastoran

KINUKUWESTIYUN ngayon ang pagkatao ng isang pastor na nagtrabaho bilang administrator ng Tagaytay City.
Kasi’y napapakilala itong PASTOR ng isang sekta.
Nagtataka naman ang mga taga-Tagaytay kasi’y walang SEKTA na kinabibilangan ito.
At wala rin siyang MIYEMBRO o ka-parokya.
Hindi kaya “PASTOR” ang ipinangalan ng kanyang nanay nang binyagan ito?
Kumbaga, kay Mang Perpekto, siya lang ang “PERPEKTO” sa mundo.
He, he, he.

-----$$$---
ISANG lehitimong pastor mula sa International Christian Fellowship of Tagaytay City ang nagsaliksik at nagsabi na wala silang alam kung ANO o SAANG SEKTA na-ORDENAHAN ang isang “Pastor Ronald” kaya’t hinihinala nilang PEKE ito.
Ang problema, sumisikat ang naturang pastor kasi’y nagsampa siya ng iba’t ibang reklamo laban sa mga opisyales ng Tagaytay City pero ibinasura naman ng ito ng KORTE.
Ibig sabihin, itinuturing siya ngayong TALIPANDAS dahil sa kanyang kahina-hinalang pag-uusig nang walang batayan.

-----$$$--
PINAKAHULING gimik ng naturang pastor ay ang reklamo sa bagong MMDA chairman na si Francis Tolentino na isa ring tubong Tagaytay City.
Pero, nang makarating kay PNoy ang reklamo, agad din itong ibinasura ng Malacanang dahil sa kawalan ng basehan.
Nabatid kasi ng Malacanang na isang election loser ang Kumag kaya’t naghahanap na lamang ito ng damay.

-----$$$---
NAKALUNGKOT isipin na ginagamit ng pastor ang “pangalan ng Diyos” sa isang maling paraan.
Mas mainam pa siguro ay mag-antay siya ng 2016 presidential election at KUMANDIDATO din siyang pangulo.
Malilibre siya sa publisidad at magsasawa siya sa KATATALUMPATI with matching MEDIA exposure.
He, he, he.


-----$$$---
ISANG opisyales ng Bureau of Customs ang SINUSPINDE ng Ombudsman dahil sa ILL-GOTTEN WEALTH.
Sige lang, marami pa dyan!!!

-----$$$---
NAGMAMAGALING ang BIR na hinahanting nila ang mga big time tax evaders.
Eh, bakit ayaw nilang i-AUDIT ang buwis ng may-ari ng PAL, may-ari ng mga chain of MALLS, may-ari ng chain of Bookstores, may-ari ng SMB, may-ari ng chain of fastfoods, may-ari ng mga chain of convenience stores, chain of drug stores at iba pa!!
Naparami ng mga HINDI NAGBABAYAD ng tamang buwis, hindi kayo dapat magpatumpik-tumpik dyan.
Maaari NANAKOT lang ang BIR—upang mapalaki ang MONTHLY TONGPATS.
Tsk, tsk, tsk.