Pope John Paul II's miracle in the Philippines

BISTADO NI KA AMBO column, BULGAR NEWSPAPER
(April 25 issue)


IKAKASAL na si Prince William ng Britain.
O, e, ano ngayon?
Mang-iinggit lang ang mga ‘yan?
Yun mga TIMAWANG “MEDIA, tatanghuran naman ang mga ARISTOKRATONG SASAKSI sa engrandeng kasal.

-----$$$---
KUNG gaano karami ang sasaksi sa naturang ROYAL WEDDING, sila rin ang mag-aabang ng TSISMIS kung kalian sila MAGHIHIWALAY.
Kaya kung kailan nila KAKALIWAIN ang bawat isa.
He, he, he.

------$$$---
IBE-BEATIFIED na si Pope John Paul II
Huling RITWAL ito bago maging SANTO.

------$$$---
DALAWANG beses pumasyal si Pope John Paul II sa Pilipinas.
Paborito at MAHAL NA MAHAL niya ang mga Pinoy.

----$$$--
ALAM ba ninyo kung ano ang PINAKAMALAKING MILAGRO na ginawa ni Pope John Paul II sa Pilipinas?
Sa totoo lang, pero hindi PINAPANSIN ng mga HISTORYADOR at nagrurunung-runungan na MEDIA at EDSA ONE “HERO”—ang malaking HIMALA na nagawa niya—ay nang ALISIN ni dating Pangulong Marcos ang epekto ng batas military noong 1981.
Ang pagkukusa ni Marcos na ipabawalambisa ang BATAS MILITAR—ang tunay na NAGPASIMULA ng PAGBABAGO ng gobyerno sa Pilipinas, at nagpahina rin ng kanyang lideratura.
Malinaw ang RECORD na si Pope John Paul ang “MAY IMPLUWENSIYA” sa pag-alis ng MARTIAL LAW—sapagkat, inalis ni dating Pangulong Marcos ang bisa ng MARTIAL LAW noong Enero 17, 1981—eksakto isang buwan bago DUMATING si Santo Papa sa Maynila noong Pebrero 17, 1981.
Noong mga panahon iyon, ang RUROK ng “Bagong Lipunan”, at nang tanggalin ang BISA ng Batas Militar—unti-unting HUMINA ang PODER ni dating Pangulong Marcos.
Tatlong TAON matapos ang pag-alis sa Batas Militar, pinatay naman sa Tarmac si dating Pangulong Ninoy noong Agosto 21, 1983.
Napagkamalan ng mga HISTORYADOR at MEDIA—na ang PAGBAGSAK ng lideratura ni Marcos ay nagmula sa pagkakapatay kay Ninoy---pero kung susuriin, epekto lamang ito ng pagbaba ng Martial Law at PAGDALAW ng Santo Papa sa Maynila.
Batay rin sa record, umuwi si NINOY—dahil NARARAMDAMAN niyang magkakaroon ng “LEADERSHIP VACUUM” sa Pilipinas—at batay sa intelligence information—PABOR si Marcos na siya ang “pumalit bilang lider ng bansa”.
Malinaw na noong 1983—batay mismo sa kampo ni Ninoy, “mahina na ang liderato ni Marcos”—at nagsimula ang PAGHINA hindi mismo sa pagkakapatay sa AMA ni PNOY at mister ni TITA CORY—kundi dahil sa PAG-ALIS NG MARTIAL LAW MULA SA “HOLY POWER” NG SANTO PAPA noong pang 1981.
At ang mga kasunod na eksena—ay naging bahagi ng kasaysayan.
Dapat itumpak at ITAMA ang KASAYSAYAN—at hindi dapat IKAPIT ang lahat sa “pagkakapatay kay Ninoy na isang “DIVISIVE”, bagkus ay dapat idikit sa PAGDALAW o HOLY POWER ng SANTO PAPA—na MAS TOTOO,. MAS MAY LOHIKA—AT MAS ISPIRITWAL.

-----$$$---
SAKALING maging GANAP NA SANTO si Pope John Paul II, isa ang PILIPINAS na mabibigyan ng INDULHENSIYA.
Ang INDULHENSIYA ay isang SAGRADONG PABOR sa isang tao o grupo ng mga tao o ESPESYAL NA LUGAR.
Nangangahulugan na makakatikim ng BUWENAS at POSITIBONG BUHAY ang mga PINOY sakaling maging GANAP NA SANTO si Pope John Paul II.
Kung paanong ang mga 90 MILYONG PINOY ay nakakaligtas sa TRAHEDYA ng malalakas na LINDOL—ay maaaring ikapit sa PROTEKSIYON na ibinibigay ni “SAINT” POPE JOHN PAUL II”.
Tama o mali?

---30---